MOJ DID
Moj se did sa zvizdan družija,
sa suncem i sa misecon,
moj se did družija s tovarom
i sa zmijon i s kozon se družija,
moj se did s kišon družija,
sa svakin vitron, s mrazon, i sa zviriman.
Jerbo se moj did o' ditinstva
o' ditinstva vas zemji naminija.
I ka' je bos na ledini zauvik zanimija,
baba moja, s očiman o' jastreba,
baba moja ni mogla raspoznat nikako
njegove noge men žilan o' masline.
I tako je did moj uza Boga sta.
Drago Ivanišević
Moj se did sa zvizdan družija,
sa suncem i sa misecon,
moj se did družija s tovarom
i sa zmijon i s kozon se družija,
moj se did s kišon družija,
sa svakin vitron, s mrazon, i sa zviriman.
Jerbo se moj did o' ditinstva
o' ditinstva vas zemji naminija.
I ka' je bos na ledini zauvik zanimija,
baba moja, s očiman o' jastreba,
baba moja ni mogla raspoznat nikako
njegove noge men žilan o' masline.
I tako je did moj uza Boga sta.
Drago Ivanišević